الرئيسية
البوابة
التسجيل
أحدث الصور
دخول
من طرف لو تفرش بدربي ورود
وتزين هالسماء أنوار
و لو تكتب بدمك عهود
و تحدد الخط بيدك
أبد لا تحسب إنك تعود
أنت الذي نويت الهجر
تبي تنساني واذكرك ؟!
تبي تنزلني وارفعك ؟!
تبي تخون وانا اللي لك كنت وافي ؟!
تبي تقسى وانا اللي لك كنت حاني ؟!
أبد لا تحسب إنك تعود
أنت الذي نويت الهجر
تذكر ايام المحبه والهوى ؟
تذكر اغاني غنيناها سوى ؟
كنت توعدني واتمنى
كنت تطربني واتغنى
واثرك تبي فيني اتسلى !؟
تبي تلعب بقلبٍ لقربك تمنى ؟!
أبد لا تحسب إنك تعود
أنت الذي نويت الهجر
حسافة عمرٍ ضيعته معك
حسافة كلمة حبٍ لك قلتها
حسافة ليلٍ سهرته معك
وحسافة معزه لك في قلبي شلتها
واثرك تبي تجرح ولا تداوي ؟!
تبي تقهر ولا تعاني ؟!
نسيت ان الدنيا اخذ وعطاء ؟!
نسيت إنك بني آدم و لك خطأ ؟!
أبد لا تحسب إنك تعود
أنت الذي نويت الهجر
أذكر اني كنت ابكي لفرقاك
و الحزن يطوي افراحي
واذكر بعد فرحتي يوم لقياك
والفرحه تمسح احزاني
تذكر كيف كنت تستقبلني ؟
تذكر كيف كنت استقبلك ؟
تذكر احضاني وصداتك ؟
تذكر دموعي وطعناتك ؟
أبد لا تحسب إنك تعود
أنت الذي نويت الهجر
حاولت اسامح لكن ما قدرت
حاولت اداوي الجرح وما صبرت
تعبت اصبر !
تعبت انسى !
تعبت اسامح !
تعبت اخفي دموعي !
و تعبت اداوي جروحي بروحي !
أبد لا تحسب إنك تعود
أنت الذي نويت الهجر
كثر ما كنت احبك كرهتك
وكثر ما كنت أعرفك جهلتك
ياما سمعت الناس وياما قالوا
اثر المصايب ما تجيك إلا من الناس القراب
وبهالزمن حتى الخوي اللي تثق فيه احذره
أبد لا تحسب إنك تعود
أنت الذي نويت الهجر
